कोलकता नाइट राइडर्स इन्डियन प्रिमियर लिग (आइपीए)को प्लेअफमा पुग्ने तेस्रो टोली बनेको छ। शनिवार भएको अन्तिम लिग खेलमा शीर्ष स्थानको सनराइजर्स हैदरावादलाई ५ विकेटले पराजित गर्दै कोलकताले प्लेअफमा स्थान बनाएको हो।

 

सनराइजर्स हैदरावाद र चेन्नाई सुपर किंग्सले प्लेअफमा स्थान बनाइसकेको छ।

 

लिगको १४ खेलपछि ८ खेलमा जित हात पारेको कोलकता तेस्रो स्थानमा छ। पछिल्ला ३ खेलमा लगातार हार बेहोरेपनि हैदरावाद १४ खेलबाट १८ अंक जोड्दै शीर्ष स्थानमा छ। हैदरावादले शीर्ष दुई स्थानमा रहेर प्लेअफअन्तर्ग पहिलो क्वालिफायर खेल्नेछ।

 

हैदरावादले पहिलो स्थानमा लिग सकाए क्वालिफायरमा दोस्रो स्थानमा रहने टोलीसँग खेल्नेछ। अहिले चेन्नाई सुपर किंसग १३ खेलबाट १६ अंकका साथ दोस्रो स्थानमा छ। यदी चेन्नाईले अन्तिम खेलमा पञ्जावसँग पराजित भए हैदरावाद पहिलो र कोलकता दोस्रो हुँदै पहिलो क्वालिफायर खेल्नेछ।