राष्ट्रकवि घिमिरेको स्वास्थ्यमा गम्भीर समस्या, उपचारका लागि विदेश लैजाने तयारी
१५ दिनदेखि राष्ट्रकविकाे ग्राण्डी अस्पतालमा उपचार हुँदै
काठमाडौं । राष्ट्रकवि माधवप्रसाद घिमिरे गम्भीर बिरामी परेका छन् । स्वास्थ्यमा समस्या देखिएपछि १५ दिनदेखि ९९ वर्षिय राष्ट्रकवि घिमिरेकाे धापासीस्थित ग्राण्डी अन्तर्राष्ट्रिय अस्पतालमा उपचार भइरहेकाे छ ।
उनमा केहि समय यता क्रोनिक ग्यास्ट्राइटीस,उच्च रक्तचाप र दिशामा रगत देखिन थालेकाे हाे । राष्ट्रकवि घिमिरेले आफू बिरामी छु भनेर देखाउन मन नलागेकै कारण एक महिनादेखि अस्वस्थ भएर अस्पताल भर्ना भएपनि सो सूचना सार्वजनिक नगरिएको बुझिएकाे छ ।
बिरामी भएको थाह भएपछि भेट्ने मान्छे धेरै आउने भएकाले आराम गर्नै समस्या हुने भन्दै राष्ट्रकवि घिमिरे बिरामी भएकाे बारे गुपचुप राखेकाे परिवारिक स्राेत जनाएकाे छ ।
उनको उपचारमा अस्पतालका मेडिकल डाइरेक्टर डा. चक्रराज पाण्डेको नेतृत्वमा डा. विवेक शर्मा, डा. अखिलेश कश्यप लगायतका डाक्टरहरुको टोली संलग्न रहेको छ । उनलार्इ थप उपचारका लागि विदेश लैजाने तयारी पनि भइरहेकाे परिवारिक स्राेत जनाएकाे छ ।
