रसियामा जारी विश्वकप फुटबलको नकआउट चरणअन्तर्गत पहिलो खेलमा फ्रान्सले १–० को अग्रता लिन सफल भएको छ । 

 

खेलको १३ मिनेटमा एन्टोइन ग्रिजम्यानले गोल गर्दै फ्रान्सलार्इ पहिलो अग्रता दिलाए । डिबक्स एरियामा अर्जेन्टिनाका मार्कोस रोजोले एम्बाप्पेलार्इ लडाएपछि पेनाल्टी पाएका हुन् । 

अर्जेन्टिना भर्सेस फ्रान्स यो विश्वकपको ह्यावी वेट गेम हो । तर दुवै टिमले समूह चरणका खेल सकिँदासम्म आफ्नो उत्कृष्ट लय समातेका देखिएको छैन । यसले गर्दा शनिबारको खेल रोमाञ्चक हुने अनुमान गरिएकाे छ ।  अर्जेन्टिनाले सन् १९७८ र १९८६ मा विश्वकप जितेको छ भने फ्रान्स सन् १९९८ को च्याम्पियन हो । 

 

विश्वकपको नकआउट चरणमा यी दुई टोली पहिलो पटक प्रतिस्पर्धा गर्न लागेका हुन् । यसअघि यी दुई टोलीबीच ११ पटक भेट भएको छ । अर्जेन्टिनाले ६ खेल जितेको छ भने फ्रान्सले दुई खेल जितेको छ । तीन खेलमा बराबरी भएको छ ।

 

पछिल्लो ३२ वर्षमा दुई देशले मात्रै दुई पटक मात्रै मैत्रीपूर्ण खेल खेलेका छन् । सन् २००७ मा भएको खेलमा अर्जेन्टिना १–० तथा सन् २००९ मा भएको खेलमा पनि अर्जेन्टिना नै २–० ले विजयी भएको थियो । यो विश्वकपमा दुई पूर्व विजेताबीचको पहिलो भेट हो ।

फ्रान्स अर्जेन्टिना