सबैभन्दा चाँडो हजार रन पूरा गर्ने विश्व कीर्तिमान फखरकाे नाममा
एक दिवसीय क्रिकेटमा डेब्यु गरेका पाकिस्तानी ओपनर ब्याट्सम्यान फखर जमानले सबैभन्दा चाँडो १ हजार रन पूरा गर्ने नयाँ विश्व कीर्तिमान बनाएका छन् । उनले एक वर्षअघि मात्र एक दिवसीय क्रिकेटमा डेब्यु गरेका थिए ।
अहिलेसम्म १८ पारी ब्याटिङ गरेका फखरले जिम्बाब्वेविरुद्धको पाँचौ एक दिवसीय क्रिकेटमा यो उपलब्धी हासिल गरेका हुन् ।फाखरले २१ पारीमा १ हजार रन पूरा गरेका वेस्ट इण्डिजका सर भिभियन रिचर्ड्स सहित इंग्ल्याण्डका केभिन पिटर्सन, जोनाथन ट्रट, दक्षिण अफ्रिकाका क्विण्टन डी कक र पाकिस्तानकै बाबर आजमको कीर्तिमान तोडेका हुन् ।
यसैगरी फखरले जिम्बाब्वेविरुद्धको चौथो एकदिवसीय क्रिकेटमा नट आउट २१० रनको दोहोरो शतक बनाउने पहिलो पाकिस्तानी क्रिकेटर को कीर्तिमान पनि बनाएका छन् ।
उनले पहिलो विकेटका लागि इमाम उल हकसँग ३०४ रनको साझेदारी गर्दै विश्व क्रिकेट इतिहासमा सबैभन्दा धेरै रनको साझेदारी गर्नेमा आफ्नो नाम लेखाएका छन् ।
सुरुवाती जोडीले बनाएको यो साझेदारीले सन् २००६ मा सनथ जयसूर्या र उपुल थरंगाले बनाएको २८६ रनको कीर्तिमानलाई तोडेको हो ।
खेल फखर
