‘चिँ मुसी चिँ’ र ‘रोमियो एण्ड मुना’ बिच भिडन्त
काठमाडौं। प्रतिस्पर्धा गएको वर्ष हलमा लागेको चलचित्र ‘शत्रु गते’ पछि नेपाली चलचित्र बजारमा त्यति आशा लाग्दाे चलचित्र देखिएन् । दर्शकहरुको लामो पर्खाई पछि आज शुक्रबारबाट आशा गरिएका दुई नयाँ चलचित्रले प्रदर्शन थाल्ने छन् । फ्राईडे रिलिज अन्तर्गत यस हप्ताकालागि ‘ चिँ मुसि चिँ’ र ‘रोमियो एण्ड मुना’ अहिले बक्सअफिसमा खरो प्रतिस्पर्धामा उत्रिदै छन् ।
यी दुवै चलचित्र भिन्न कथामा आधारीत रहेका छन् । दिनेश श्रेष्ठद्धारा निर्देशित चलचित्र ‘चिँ मुसी चिँ’ म्युजिकल थ्रिलरमा आधारित छ, भने नरेश कुमार केसीद्धारा निर्देशित चलचित्र ‘रोमियो एण्ड मुना’ले लभस्टोरीलाई देखाउँन खोजेको छ ।
‘चिँ मुसी चिँ’ मा सुनिल क्षेत्री, सुशान्त कार्की, अलिशा शर्माको मुख्य भूमिका रहेको छ । भने फिल्मको निर्मातामा अरुण कुमार गुरुङ, महेश्वर खत्री, सुवास भुर्तेल, डब बहादुर गुरुङ रहेका छन ।
यता ‘रोमियो एण्ड मुना’मा पनि अभिनेत्री सृष्टि श्रेष्ट र अभिनेता विनय श्रेष्टको मुख्य भूमिका रहेको छ । चलचित्र फिल्म सम्पादनमा लोकेन्द्र बज्राचार्यको, गौरव डागोन्कर, कोशिश क्षेत्री र कालिप्रसाद बाँस्कोटा र अर्लको संगीत रहेको छ ।
यो चलचित्र शहरिया युवा र ग्रामिण युवती बिचको प्रेमकथामा आधारित छ । यो प्रसन्न गोपाली, राम शर्मा, कविन शाक्य र नायक विनय श्रेष्टको संयूक्त रुपमा निर्माण भएको चलचित्र हो ।
