^{काठमाडौं । ‘प्रेमगीत २’ बाट आफ्नो फिल्मी यात्रा सुरु गरेकी अभिनेत्री अश्लेषा ठकुरीको फिल्म गत वर्ष प्रदर्शन भयो । अभिनेत्रीको करिअर अभिनेता प्रदिप खड्कासँग जोडी बाँधेपछि चम्कन्छ भन्ने भनाई उनको हकमा भने लागु हुन सकेन ।
 
ठकुरी फिल्म बक्सअफिसमा हिट भईन तर उनी प्रदीपको स्टारडमको छाँयामा परिन् । उनी छायाँमा पर्नुको मुख्य कारण भने उनको अभिनय नै थियो । यो फिल्म पश्चात  ठकुरीको हातमा कुनै नयाँ फिल्म नभएको चर्चासँगै दर्शकहरुको मनमा ठुलो कौतुहुलताले बास गरेको छ । के अश्लिषाको फिल्म यात्रा सकिएको हो त ?}

^{उनी ‘प्रेमगीत २’ रिलिजको एक वर्ष पुगिसक्दा पनि बाहिरी ब्यानरसँग कतै जोडिन नसक्दा फेरि उनलाई आसुसेन फिल्मसका सन्तोष सुनले नयाँ फिल्म ‘मेरी मामु’ मा दोर्होयाए । पुन ःडेब्यु फिल्मको ब्यानरसँगै जोडिनुले पनि उनको हातमा नयाँ फिल्म नभएको कुरालाई मलजल मात्र गरेको कुरा स्पष्ट बुझ्न सकिन्छ । यसबाट उनको फिल्मी यात्रा त्यती सफल नभएको कुरा स्पष्ट देखिन्छ ।} 

^{उनी शुक्रबार फिल्म ‘मेरी मामु’ को टाईटल गीत सार्वजनिक कार्यक्रममा उपस्थित थिईन् । पत्रकारले उनलाई फिल्म नपाएको कि नगरेको ? भन्दै प्रश्न गर्दा उनले भनिन् , ‘ म चुप बस्नुको पछाडि फिल्मबाट अफरै नआएको भन्ने कुरा गलत हो ।’} 

^{उनले भनिन् , ‘मैले मेरो क्यारेक्टर निभाउन सक्ने फिल्म मात्र गर्छु । फिल्म अफर आयो भन्दैमा वर्षमा ६,७ वटा फिल्म गरेर त्यसको उपलब्धी केहि छैन । म पनि मेरो करिअरप्रति 
‘प्यासिनेट’ छु । मैले कुरेँ । स्क्रिप्टहरु पनि आए । तर, मलाई सुहाउने कुनै पनि थिएनन् ।’ जब आसुसेन फिल्मसबाट ‘मेरी मामु’ को अफर आएपछि मैले नाईँ भन्नै सकिनँ किनकी, मलाई स्क्रिप्ट उत्कृष्ट लाग्यो । भोली पनि यो ब्यानरसँग आबद्ध हुनसक्छु यदी मलाई मन पर्यो  भने । फेरि त्यो आसुसेनकै हुनुपर्छ भन्ने पनि छैन’, उनले भनिन् ।}  

^{उनी भन्छिन्,‘मैले यसमा क्यारेक्टरलाई न्याय दिन सक्ने भएर मात्र यो फिल्म गरेकी हुँ, यसको मतलब यो होइन कि मैले अरु फिल्मको अफर नपाएर गर्दै छु ।’}

^{भाद्र १५ गतेबाट रिलिज हुने यो फिल्ममा उनको जोडी अभिनेता सारुक ताम्राकार रहेका छन भने यसका निर्माता यम थापाले गरेका छन । उनी यो फिल्मले आफ्नो फिल्मी क्षेत्रको करिअरको खुड्केलोमा एउटा सफलताको ईट्टा थप्नेमा विश्वस्त छिन् ।}