दाल, भात, तरकारी लिएर आउँदै मह सञ्चार
काठमाडौं । केही समयअघिमात्र रिलिज भएको फिल्म ‘शत्रुगते’ को सफलता पछि मह सञ्चारले चलचित्र ‘दाल, भात, तरकारी’ निर्माण गर्ने घोषणा गरेको छ । बुधबार राजधानीमा आयोजिक एक कार्यक्रममार्फत फिल्मको घोषणा भएको हो ।
फिल्मलाई सुदन केसीले निर्देशन गर्र्नेछन् । सुदन कलाकार किरण केसीका छोरा हुन् । यस फिल्ममार्फत सुदनले निर्देशनमा डेब्यु गर्न लागेका हुन् ।
त्यसैगरि फिल्ममा मदनकृष्ण श्रेष्ठ, हरिवंश आचार्य, निरुता सिंह, पुष्प खड्का, प्रियंका कार्की, स्वस्तिमा खड्का,वर्षा राउत, किरण केसी, शिवहरी पौडेल, राजाराम पौडेल, बसुन्धारा भुषाल, यमन श्रेष्ठ, मोहितबंश आचर्य, विल्सन विक्रम राई लगायतका कलाकारको मुख्य भूमिका रहेकोे छ ।
