काठमाडौं । नायक अनमोल केसी स्टारर फिल्म ‘क्याप्टेन’ को पहिलो अाधिकारिक पोस्टर सार्वजनिक भएको छ । शनिबार फिल्मका निर्देशक दीवाकर भट्टराईले सामाजिक सञ्जाल फेसबुकमार्फत उक्त पोस्टर सार्वजनिक गरेका हुन् । 

 

पोस्टरमा अनमोल एक फुटबल खेलाडीको अवतारमा देखिएका छन् । उनले लगाएको ११ नम्बरको जर्सीमा इशान लेखिएको छ । 
फिल्मको रिलिज मिति भने अहिलेसम्म तय भइसकेको छैन । भुवन केसीद्वारा निर्मित उक्त फिल्ममा अनमोलले दुई नव अभिनेत्री उपासना सिंह ठकुरी र प्रियंका एमभीसँग स्क्रिन सेयर गरेका छन् । 

 

उक्त फिल्ममा अनमोलसँगै सुनिल थापा, सरोज खनाल, प्रशान्त ताम्राकार, विल्सन विक्रम राईलगायतका कलाकारहरुको पनि अभिनय रहेको छ ।  
 

अनमाेल केसी