रौतहट । शनिबार रौतहटको गौर नगरपालिका ४ स्थित टिकुलिया घाटमा डुंगा पल्टिदा बेपत्ता भएका मध्ये ४ जनाको शव भेटिएको छ । आइतबार बिहान २ जनाको शब भेटिएको थियो भने सोमबार बेलुका थप दुई जनाको शव फेला परेको प्रहरीले जनाएको छ । 

औरहीयाकी ४२ वर्षीय रुना देवी कुर्मी र गौर नगरपालिकाकी ४५ वर्षीय शान्तिदेवी शाहको शव फेला आइतबार बिहान फेला परेको थियो । सोमबार फेला परेका शवको भने पहिचान हुन नसकेको प्रहरीले जनाएको छ । 

गत शनिबार साँझ पप्पु कन्ट्रक्सनले निमार्ण गरेर आधामै छाडेको टिकुलिया पुलको पिल्लरमा ठोकिएर डुंगा दुर्घटना भएको थियो । दुर्घटनामा परि अभैm एक जना वेपत्ता भएको र खोजी कार्य जारी रहेको जिल्ला प्रहरी कार्यालय रौतहटका एसपी केदार ढकालले जानकारी दिए । दुर्घटनामा परेकामध्ये २१ जना पौडिएर बाँच्न सफल भएका थिए । 

पप्पु कन्ट्रक्सनले ४ वर्षअघि देखि सुरु गरेको काम बीचमै अलपत्र छाड्दा डुंगा दुर्घटना भएको भन्दै स्थानीयबासीले दोषीलाई कारबाही गर्न माग गर्दै प्रदर्शन गरेका छन् ।