ग्रेटर नेपालका फणिन्द्र गिरफ्तार
काठमाडौं । ग्रेटर नेपालका फणिन्द्र नेपाल गिफ्तारमा परेका छन् । भारतीय प्रधानमन्त्री नरेन्द्र मोदीलाई त्रिभुवन अन्तर्राष्ट्रिय विमानस्थलमा कालोझण्डा देखाउनका लागि गइरहेको अवस्थामा उनी गिरफ्तारमा परेका हुन् ।
भारतीय प्रधानमन्त्री मोदी बिम्स्टेक शिखर सम्मेलनका लागि बिहीबार बिहान काठमाडौं आइपुगेका छन् । यसैबीच मोदीको स्वागतका लागि त्रिभुवन अन्तर्राष्ट्रिय विमानस्थलमा जान खोजेका नेपाल फाउन्डेसनका युवाहरू बीच बाटोमै रोकिएका छन् ।
उनीहरूले सद्भावपूर्ण स्वागत गर्न खोजेका थिए । तर प्रहरीले ग्रेटर नेपालका कार्यकर्ता हुन सक्ने आशंकामा उनीहरूलाई रोकेको बताइएको छ । अहिले मोदीको सवारी रुटमा सुरक्षा व्यवस्था अत्यन्त कडा पारिएको छ ।
फाउन्डेसनका अध्यक्ष विकास ठाकुरले आफूहरूले नेपाल–भारत सम्बन्ध बलियो बनाउनका लागि काम गर्दै आइरहेको अवस्थामा भारतीय प्रधानमन्त्री मोदीलाई स्वागत गर्न नपाउँदा दुःख लागेको बताए ।
