अभयालाई आस्थाको व्यंग्य
काठमाडौं । नायिकाहरुबीच व्यंग्यको क्रम बढ्दै जाँदा नेपाली गायिकाहरुबीच पनि एकले अर्कालाई व्यंग्य कस्ने काम सुरु भएको छ । गाईजात्राको अवसरमा गायिका आस्था राउतले फेसबुकमार्फत अर्की गायिका अभया सुब्बालाई व्यंग्य हानेकी छन् ।
उनले स्टाटसमा लेखेकी छन्,‘रियालिटी सोहरुमा इमोसन्स पनि रियल हुनुपर्छ, देखाउनलाई मात्र हैन ।’ उनको व्यंग्य गायिका अभाया सुब्बालाई गरिएको जस्तो देखिन्छ । अभाया सुब्बा नेपालमा भर्खरै सुरु भएको म्युजिक रियालिटी सो ‘द भोइस अफ नेपाल’ की कोच हुन् ।
उक्त रियालिटी सोमा आस्थाकै गीत गाएका एकजना प्रतिस्पर्धीलाई कोही पनि कोचहरुले रोजेका थिएनन् तर सबै कोचहरुले पछि पछुतो मानेका थिए । त्यसक्रममा अभया अलि बढी नै भावुक देखिएकी थिइन् । जुन कुरा आस्थालाई नपचेकोजस्तो उनको स्टाटसले देखायो ।
