काठमाडौं । भारतीय प्रधानमन्त्री नेपालमै रहेका बेला भारतका अर्का प्रभावशाली नेता तथा भारतीय कांग्रेस पार्टीका अध्यक्ष राहुल गान्धी काठमाडौं आइपुगेका छन् । 

 

मानसरोवर यात्राका लागि व्यक्तिगत भ्रमणका क्रममा गान्धी शुक्रबार काठमाडौं आइपुगेका हुन् । उनी शुक्रबार काठमाडौंमा बसेर शनिबार नेपालगञ्ज हुँदै मानसरोवरतर्फ लाग्ने कार्यक्रम छ ।

 

तर परराष्ट्र स्रोतले भने गान्धीको भ्रमणबारे केही जानकारी नभएको बताएको छ । प्रधानमन्त्री नरेन्द्र मोदी चौथो बिमस्टेक सम्मेलनका लागि काठमाडौंमा रहेका बेला मुख्य प्रतिपक्ष कांग्रेस पार्टीका अध्यक्ष गान्धी पनि काठमाडौं आइपुगेका छन् ।

 

तर नरेन्द्र मोदी औपचारिक कार्यक्रममा राष्ट्रको प्रतिनिधित्व गर्दै काठमाडौं आएका हुन् भने काँग्रेस अध्यक्ष गान्धी भने नितान्त व्यक्तिगत भ्रमणका क्रममा नेपाल आएका हुन् । चौथो बिमस्टेक सम्मेलनका लागि आएका भारतीय प्रधानमन्त्री नरेन्द्र मोदी शुक्रबार नै स्वदेश फर्क‌दै छन् ।