काठमाडौं । फिल्म ‘अनुराग’ को ट्रेलर रिलिज भएको छ । यही असोज १२ गतेबाट रिलिज हुने फिल्म संगीतिक प्रेमकथामा आधारित रहेको छ । 
 

 

फिल्मको ट्रेलरमा अनु र रागको प्रेमकथालाई दर्शाइएको छ । फिल्ममा धमाला पत्नी एलिजा गौतमले नव नायक समुन्द्र पण्डितसँग जोडी बाँधेकी छन् । उनीहरुसँगै फिल्ममा ठिलेंन लामा, सरोज  खनाल, रुपा राना, राजाराम पौडेल, शिरि राना, मोहन निरौला, विश्व बस्नेतलगायतका कलाकारहरुको अभिनय रहेको छ ।
 

 

फिल्मलाई भरत गौतम र गीता भेटवालले निर्माण गरेको उक्त फिल्ममा ऋषि धमाला प्रस्तुतकर्ता रहेका छन् । सत्यराज चौलागाईंको निदेशनमा बनेको फिल्मको कथा किरण दाहालले लेखेका हुन् ।