नयाँ दिल्ली । अक्षय कुमार स्टारर फिल्म ‘गोल्ड’ सय करोड क्लबमा समावेश भएपछि यसले फेरि नयाँ किर्तिमान राखेको छ । उक्त फिल्म किंगडम अफ साउदी अरबियामा रिलिज हुने पहिलो बलिउड फिल्म बनेको छ । यो खबर अक्षयले आफ्नो ट्वीटरमार्फत सार्वजनिक गरेका हुन् ।
 

 

१५ अगस्टमा रिलिज भएको फिल्म ‘गोल्ड’ अक्षय कुमारको सय करोड कल्बमा पर्ने ९ औं फिल्म हो । यो भन्दा पहिला अक्षयको राउडी रोठोर, हाउसफुल २, हाउसफुल ३, एयरलिफ्ट, रुस्तम, जली एल एल बी २, हलिडे र ट्वाइलेट एक प्रेमकथाले सय करोड भन्दा बढीको व्यापार गरेका थिए । 

 

अब अक्षय कुमारको रजनीकान्तसँगको फिल्म ‘२.०’ आउँदै छ । जसको अनुमानित बजेट नै ४०० करोड हो । यस फिल्ममा एमी ज्याक्सनको पनि मुख्य भूमिका रहेको छ ।  

अक्षय कुमार