काठमाडौं । एसिसी यु–१९ एसिया कप क्रिकेटमा अफगानिस्तानविरुद्ध टस जितेर नेपालले ब्याटिङ गर्ने निर्णय गरेको छ । बंगलादेशमा भइरहेको यु–१९ क्रिकेटमा नेपालले भारतसँग एक खेल गुमाइसकेको छ । अफगानिस्तानसँग जित निकालेमा नेपालको सेमिफाइनलय यात्रा सम्भव हुन सक्नेछ । 

 

भारत लगातार दुई खेल जितेर उसले सेमिफाइनलमा आफ्नो स्थान सुरक्षित गरिसकेको छ । भारतसँग १७१ रनको अन्तरले हार व्यहोरेपछि नेपाली टोलीको मनोबल कमजोर छ भने युएईलाई पराजित गरेको अफगानी टोलीको मनोबल उच्च छ । यसबीच नेपालले जित निकाल्नु पर्ने छ । अर्को चरणमा जान नेपाललाई जित्नै पर्ने दबाब छ । 

 

अफगानिस्तानले युएईलाई पाँच विकेटले जितेको थियो भने भारतले युएईलाई २२७ रनको विशाल अन्तरले हराएको थियो । नेपाल समूह चरणको अन्तिम खेल युएईसँग खेल्दैछ । भने भारत र अफगानिस्तानको पनि आमने सामने हुनेछ । भारतले अफगानिस्तानलाई र नेपालले युएईसँग पनि जित निकालेमा नेपालको सेमिफाइनल यात्रा सुनिश्चित हुनेछ ।