काठमाडौं । प्रहरीमा जागिर खान चाहनेहरुकालागि अवसर आएको छ । नेपाल प्रहरीले ७ हजार २ सय ५६ पदका लागि दरबन्दी भर्ना आह्वान गरेको छ । इन्स्पेक्टर, असई, जवान र कार्यालय सहयोगीलगायत पदहरुका लागि यति धेरै भर्ना माग गरेको हो । 

 

जनपथतर्फ प्रहरी निरीक्षकमा १०८ जना र प्रहरी सहायक निरीक्षकतर्फ ५ सय २४ जना माग गरिएको छ । सबैभन्दा बढी प्रहरी जवानको माग गरिएको छ । मानव स्रोत विकास विभागका अनुसार यो पदमा ६ हजार २ सय ४४ जनाका लागि दरखास्त आह्वान गरिएको छ ।

 

प्रहरी कार्यालय सहयोगी (खेलाडी) पदमा ३० जनाको माग भएको छ । खेलाडीतर्फ फुटबल, भलिबल, क्रिकेट, तेक्वान्दो, भारोत्तोलन, कँराते, जुडो, एथ्लेटिक्स, बक्सिङ, ब्याडमिन्टन र महिला कबड्डी विधामा पनि दरखास्त दिन पाइनेछ ।