काठमाडाैं । नेपाली कलाकारहरुको जम्बो टोली जापान उडेका छन् । भदौ ३१ गते जापानमा आयोजना हुन लागेको ‘सुर्य इन्टरनेशनल अवार्ड’मा सहभागी हुनको लागि २ दर्जन कलाकारहरुको जम्बो टीम जापान शुक्रबार दिउँसो १ बजे जापान उडेका हुन् ।

 

जापानमा हुने अवार्ड कार्यक्रममा चलचित्रको ६ विधा र गायनका ६ विधागरि १२ विधामा अवार्ड वितरण गरिनेछ । अवार्ड समारोहमा साँस्कृतिक प्रस्तुतीहरु सहितको भव्य कार्यक्रम पनि हुनेछ ।

 

शुक्रबार जापान गएका कलाकारहरुमा अभिनेत्री बसुन्धरा भुसाल, अभिनेता भुवन केसी, प्रशान्त ताम्राकार, पल शाह, सुशान्त कार्की, नायिका साम्राज्ञी राज्य लक्ष्मी शाह, आँचल शर्मा रहेका छन् ।

 

यस्तै पुजा शर्मा, शिल्पा पोखरेल, बर्षा राउत हाँस्यकलाकार जितु नेपाल, सन्दिप क्षेत्री, निर्देशक सुदर्शन थापा, ऋषि लमिछाने, प्रदीप भट्टराई, गायिका एञ्जिला रेग्मी, बितरक गोपाल काजि कायस्थ, कलाकार सरिता लामिछाने पनि शुक्रबार नै जापान उडेका छन् ।

सुर्य इन्टरनेशनल अवार्ड