अर्धनग्न ज्योति मगरले भनिन्, ‘मेरो निद्राहीनताले रातलाई मार्दैछ’
काठमाडौं । गायिका ज्योति मगर सामाजिक सञ्जालमा भाइरल नभएको लामो समय भएको छ । तर फेरि उनी सामाजिक सञ्जाल तताउने एउटा फोटो सार्वजनिक गर्दै भाइरल भएकी छन् । आफ्नै फेसबुकबाट अर्धनग्न फोटो सार्वजनिक गर्दै उनी सामाजिक सञ्जालमा भाइरल भएकी हुन् ।
ज्योतिले सार्वजनिक गरेको फोटो र फोटोमा गरेका टिप्पणी हेर्न यहाँ क्लिक गर्नुस्ः
गायिका मगरले आफ्नो अर्धनग्न फोटो शुक्रबार मध्यरात फेसबुकमा अपलोड गर्दै लेखेकी छन्, ‘मध्यरातमा मैले सोचेँ.....मलाई यसको कुनै मतलब छैन.......मेरो निद्राहीनताले रातलाई मार्दैछ ।’ उनको फेसबुक स्टाटसमा लेखिएको अंग्रेजी भाषा पक्कै पनि श्लील थिएन ।
अर्धनग्न फोटो सार्वजनिक गरेको भन्दै गायिका मगरको अहिले सामाजिक सञ्जालमा चर्को आलोचना भइरहेको छ । उनको यो हर्कतलाई धेरै फेसबुक प्रयोगकर्ताले समाजमा विकृति भित्र्याउन मद्दत गरेको आरोप लगाएका छन् ।
उनले अपलोड गरेको फोटोको विषयलाई लिएर प्रकाश सिडु फेसबुकमा टिप्पणी गर्छन्, ‘यस्तै फोटो देखेर बलात्कारका घटना बढिरहेका छन् ।’
उनको फोटो देखेपछि धेरै व्यक्तिले यस्ता कार्य आगामी दिनमा नगर्न गायिका मगरलाई सुझाव दिएका छन् । समाजमा महिलामाथि विभिन्न प्रकारका हिंसा बढेकाले यस्ता फोटोले थप सहयोग पुग्ने सामाजिक सञ्जाल प्रयोगकर्ताले बताएका छन् ।
ज्योतिको यस्तो उत्तेजनात्मक फोटो देखेपछि कतिपयले कानुनी कारबाही गर्नुपर्ने मागसमेत गरेका छन् । ज्योति मगर यसअघि पनि विभिन्न विषयका कारण विवादमा आइरहेकी हुन्थिन् । विशेषगरी योभन्दा पहिले उनले स्टेज कार्यक्रमका कारण आलोचनाको तारो बन्ने गर्थिन् ।
ज्योतिले आफ्नो आनीबानीलाई सुधारेको हो, कि भन्ने महिना दिनअघि सार्वजनिक भएको तीज गीतले झल्को दिएको थियो । उक्त गीतमा उनी साडीमा देखिएकी थिइन् । ज्योतिलाई कमै मात्र यस्तो पोसाकमा देख्न पाइन्छ ।
ज्योतिको उत्तेजित पहिरनले युवा पुस्ता आकर्षित हुने भए पनि नेपाली समाजमा उनको र पहिरन भने पच्न सकेको छैन । जसकारण उनी पटकपटक विवादमा आइरहन्छिन् ।
सामाजिक सञ्जाल गायिका ज्योति मगर अर्धनग्न
