काठमाडौं । एसिया कप छनौट प्रतियोगिता अन्तर्गत तेश्रो खेलमा नेपालले मलेसियालाई १९ रनले पराजित गर्दै पहिलो जित दर्ता गरेको छ। नेपालले प्रतियोगिताको अघिल्लो २ खेलमा ओमान र युएईसंग पराजय बेहोरेको थियो।

 

टस हारेर ब्याटिंङ गर्दै नेपालले दिएको १८९ रनको लक्ष्य पछ्याउने क्रममा मलेसियाले निर्धारित ३० ओभरमा ९ विकेट गुमाएर १६९ रन मात्रै बनाउन सक्यो।

 

नेपालका लागि बलिङ्गमा बसन्त रेग्मीले सर्वाधिक ३ विकेट लिए । यस्तै सोमपाल कामी र सन्दिप लामिछानेले २-२ तथा दिपेन्द्र ऐरी र सागर पुनले १-१ विकेट लिए।

 

यस अघि बर्षाका कारण ३० ओभरमा झारिएको खेलमा पहिले ब्याटिंङ गर्दै नेपालले ७ विकेटको क्षतिमा १८८ रन जोडेको थियाे। नेपालको इनिंङमा आरिफ शेख र दिपेन्द्र सिंह ऐरीले अर्ध शतकीय पारी खेले। 

 

एसिया कप छनौट प्रतियोगिता