नेपाल म्यानमारसँग भिड्ने
काठमाडौं । एएफसी यू–१६ महिला फुटबल च्याम्पियनसिप छनोटमा नेपाल शुक्रबार म्यानमारसँग भिड्दै छ । हल्चोकस्थित सशस्त्र प्रहरी बलको खेल मैदानमा नेपाल र म्यानमाबीचको खेल अपरान्ह ३ः३० बजे सुरु हुँदैछ ।
समूह चरणको पहिलो खेलमा बुधबार फिलिपिन्ससँग ४–० ले पराजित भएको नेपालले दोस्रो खेलमा म्यानमारसँग प्रतिस्पर्धा गर्न लागेको हो । अघिल्लो चरण प्रवेशको सम्भावना बलियो बनाउन नेपाललाई म्यानमारविरुद्धको शुक्रबारको खेल जित्नै पर्ने दबाब छ ।
नेपालले समूह चरणको अन्तिम खेलमा आइतबार मलेसियासँग प्रतिस्पर्धा गर्नेछ । समूहको शीर्ष दुई टोलीले अर्को वर्ष थाइल्याण्डमा हुने एएफसी यू–१६ महिला च्याम्पियनसिपमा सहभागिता जनाउनेछ ।
