काठमाडौं । नेपाली युवा क्रिकेटर सन्दीप लामिछाने यूएइमा आयोजना हुने टि टेन क्रिकेट लिग खेल्ने भएका छन् । गएराति भएको ड्राफ्टमा सन्दीपलाई केरला किंग्सले अनुबन्ध गरेको हो ।

 

 

नोभेम्बर २३ देखि डिसेम्बर दुईसम्म हुने प्रतियोगिता क्रिकेटको सवैभन्दा छोटो फरम्याट हो । यो दश ओभरको हुनेछ । यो प्रतियोगितालाई अन्तराष्ट्रिय क्रिकेट परिषद्ले पनि मान्यता दिइसकेको छ । केरला गत सिजनको  च्याम्पियन हो ।

 

 

केरला किंग्सका कप्तान इयोन मोगर्न हुन् भने क्रिस गेल पनि यहि टिममा छन् । यस्तै, सोयव तनवीर, किरन पोलार्ड, पल स्टर्लिङ, दासुन संखा, जुनेद खान र टम कुरान पनि टिममा रहेका छन् ।

 

 

टि टेनमा कुल आठ टिमको सहभागिता रहनेछ । सन्दीपले गत सिजन इन्डियन प्रिमियर लिगमा देल्ली डेयर डेभिल्सबाट खेलेका थिए ।

 

 

त्यसपछि उनले क्यानडा ग्लोबल टि ट्वान्टी, क्यारेबियन प्रिमियर लिगको अनुभव बटुले । उनले अर्को साता सुरु हुने अफगान प्रिमियर लिगमा पनि सहभागिता जनाउँदै छन् ।

सन्दीप लामिछाने क्रिस गेल टि टेन क्रिकेट लिग इयोन मोगर्न