एजेन्सी । विश्व फुटबल महासंघ फिफाले वर्षको उत्कृष्ट तीन पुरुष खेलाडीको सूची सार्वजनिक गरेको छ । फिफाले सार्वजनिक गरेको सूचीमा क्रिस्टियानो रोनाल्डो, मोहमद सलाह र लुका मोड्रिच परेका छन् । यसपटक अर्जे्न्टिनी स्टार लियोनल मेस्सी शीर्ष तीनमा अटाएनन् ।

 

पछिल्लो केही वर्षदेखि लगातार फिफाको शिर्ष ३ मा पर्ने गरेका मेस्सी यसपटक भने नपरेका हुन् । रोनाल्डोले २०१६ मा च्याम्पियन्स् लिगको उपाधि जित्नुका साथै फिफा क्लब विश्वकप पनि उचालेका थिए भने च्याम्पियन्स लिगमा १५ गोल गरेका थिए ।

 

मोड्रिचले विश्वकपमा देशलार्इ फाइनलमा पुर्याउन महत्वपूर्ण भूमिका खेलेका थिए भने रियलले च्याम्पियन्स् लिग र क्लब विश्वकपको उपाधि जित्दा उनको योगदान निकै राम्रो रहेको थियो । सलाहले लिभरपुललाइ च्याम्पियन्स लिगको फाइनलमा पुर्याएका थिए भने प्रिमियर लिगमा सर्वाधिक गोलकर्ता बनेका थिए ।

 

त्यस्तै वर्षको उत्कृष्ट प्रशिक्षकमा जिनेदिन जिदान, फ्रान्सेली प्रशिक्षक डिडियर डेसच्याम्प र क्रोएसियाली फुटबल टिमका प्रशिक्षक ज्लाट्को डालिच अन्तिम ३ मा परेका छन् ।

मोहमद सलाह क्रिस्टियानो रोनाल्डो फिफाको उत्कृष्ट वर्ष खेलाडी लुका मोड्रिच