काठमाडौं । मलेसियामा सम्पन्न एसिया कप छनोट प्रतियोगिता खेलेर नेपाली क्रिकेट टोली शुक्रबार स्वदेश फर्किएको छ । एसिया कपमा छनोट हुने लक्ष्यसहित मलेसिया पुगेको नेपाली टोली चौथो स्थानमा रह्यो । 

 

नेपालले दुई खेलमा जित तथा तीन खेलमा हार बेहोरेको थियो । नेपालले आयोजक मलेसिया र सिङ्गापुरलाई पराजित गरेको थियो भने ओमान, संयुक्त अरब इमिरेट्स (युएर्इ) र हङ्कङसँग पराजित भएको थियो । छनोट प्रतियोगिता यही भदौ १३ देखि २१ गतेसम्म सञ्चालन भएको थियो । 

 

उक्त प्रतियोगितामा ६ राष्ट्र सहभागी थिए । हङकङ एसिया कपका लागि छनोट भएको छ । फाइनल खेलमा हङकङ  यूएइलाई २ विकेटले पराजित गर्दै एसिया कपका लागि छनोट भएको हो ।

 

एसिया कप यही भदौ २८ देखि असोज १२ गतेसम्म यूएइमा हुँदैछ । एसिया कपमा भारत, पाकिस्तान, श्रीलङ्का, बङ्गलादेश र अफगानिस्तान जस्ता टेष्ट राष्ट्रको सहभागिता रहेको छ । 

एसिया कप छनोट प्रतियोगिता एसिया कप नेपाली क्रिकेट टोली