काठमाडौ । स्वास्थ्य तथा जनसंख्या मन्त्रालयले पेश गरेको प्रस्तावअनुसार सप्तरीमा  रामराजाप्रसाद सिंह स्वास्थ्य बिज्ञान प्रतिष्ठान स्थापना हुने भएको छ । 

 

सोमबारको मन्त्रिपरिषदले सप्तरीमा मेडिकल शिक्षा दिने प्रतिष्ठान स्थापना गर्ने औपचारिक निर्णय गरेको हो ।  प्रतिष्ठान स्थापना भएपछि प्रदेश नम्बर १ र २ का नागरिकले स्वास्थ्य सेवा पाउनेछन् । विकास र निर्माणको दृष्टिकोणले अत्यन्त पछाडि परेको यो जिल्लामा  स्वास्थ्य बिज्ञान प्रतिष्ठान स्थापना भएपछि  नेपालका १ र २ न प्रदेशका स्थानीयले सेवा सुविधा पाउनुका साथै छिमेकी मुलुक भारतका जनताले पनि सेवा प्राप्त गर्न सक्नेछन् । 

 

स्वास्थ्य बिज्ञान प्रतिष्ठानको स्थापनासँगै स्थानीय तहमा सुलभ र आफ्नै गाउमा स्वास्थ्य सेवा सविधाका साथै रोजगारीका अवसर प्राप्त हुनेछ ।  जसले सप्तरीको बिकासमा फड्को मार्न सघाउ पुग्नेछ ।