काठमाडौं । थाइल्याण्ड महिला टी–२० स्म्यास अन्तगर्त नेपालले आज तेस्रो खेल खेल्दैछ । लगातार दुई खेलमा शानदार जित निकालेको नेपालले आज यूएईविरुद्ध खेल्न लागेको हो । यदि नेपालले यूएईलाई हराएमा सेमिफाइनलको यात्रा पक्का गर्नेछ ।

 

नेपाल र यूएईबीचको खेल स्थानीय समय अनुसार मध्यान्ह सवा १२ बजेबाट सुरु हुनेछ । जारी प्रतियोगितामा दुई खेलमा जित निकालेको यूएई पनि सेमिफाइनल नजिक पुगिसकेको छ । उसले थाइल्याण्ड ए, र चीनलाई हराएको छ ।

 

यता नेपालले पहिलो खेलमा चीनलाई १० विकेट र दोस्रो खेलमा मलेसियालाई ६ विकेटले पाखा लगाउँदै सेमिफाइनलको यात्रा बलियो बनाएको हो । प्रतियोगिताको उपाधि दावेदार मानिएको टिम यूएई विरुद्ध नेपाललाई जित निकाल्न त्यति सजिलो भने हुने छैन ।

टी–२० स्म्यास नेपाल भर्सेस यूएई