काठमाडौं । थाइल्याण्डमा भइरहेको महिला टी–२० स्म्याश क्रिकेटको उपाधिका लागि आज नेपालले घरेलु टोलीविरूद्ध खेल्दैछ । नेपाल र थाइल्याण्डबीचको खेल नेपाली समय अनुसार अपरान्ह १२ः१५ बजे सुरू हुनेछ।

 

आज नेपालले थाइल्याण्डविरूद्ध मैदान उत्रदा उपाधि जित्ने लक्ष्यमा हुनेछ। लामो समयसम्म उपाधिबिहिन बन्दै आएको नेपाली महिला क्रिकेट टोलीलाई उपाधि हात पार्ने यो राम्रो अवसरसमेत हो। यद्यपी थाइल्याण्डलाई घरेलु समर्थकको साथ भएको हुनाले कठिन चुनौती रहनेछ।

 

शुक्रबार नेपालले पहिलो सेमिफाइनलमा समूह बी को उपविजेता इन्डोनेसियालाई ९२ रनको फराकिलो अन्तरमा हराउँदै उपाधि नजिक पुगेको हो। यता, थाइल्याण्ड पनि अपराजित रहँदै फाइनलमा पुगेको हो। सेमिफाइनलमा थाइल्याण्डले बलियो टोली युएईलाई सहजै हराएर नेपालसँगको भेट पक्का गरेको हो।

नेपाल थाइल्याण्ड महिला टी–२० स्म्याश