सर्लाही । सर्लाहीको ईश्वरपुर नगरपालिका–१२ स्थितको जंगलखण्डमा रोकी राखेको रात्रीबसलाई ट्रकले ठक्कर दिँदा ३ जनाको मृत्युु भएको छ ।  काठमाडौबाट इलाम जाने क्रममा सापट विग्रेर ना. ४ ख ९७५४ नम्बरको बसलाई बिहान २ बजे ना. ५ ख ७१२९ नम्बरको ट्रकले पछाडीबाट ठक्कर दिँदा दुर्घटना भएको हो।

 

जिल्ला ट्राफिक प्रहरी कार्यालय नवलपुरका प्रहरी निरीक्षक राजकुमार शाहीका अनुसार दुर्घटनमा परी इलाम सुल्बुङ–७ बस्ने २७ वर्षीय गोविन्द साउदेन, सुनसरि ईटहरी उपमहानगरपालिका–१६ बस्ने ३० वर्षीया विनिता राई र पर्सा वीरगंज उपमहानगरपालिका–१९ बस्ने ३५ वर्षीय रहिम मियाँको घटनास्थलमै मृत्यु भएको हो।

 

साउदेन र राई बसका यात्रु हुन् भने मियाँ ट्रकका यात्रु हुन्। उत्रेर बसको पछाडी बसेका यात्रुको तिब्रगतिमा आएको ट्रकले बसलाई ठक्कर दिँदा च्यापिएर मृत्यु भएको हो। 

सर्लाही दुर्घटना