एजेन्सी । जारी इंग्लिस प्रिमियर लिगको मंगलबार भएको खेलमा आर्सनले शानदार जित निकालेको छ । उसले  रेलिगेसन जोनको फुलह्यामलाई ४–१ ले पराजित गर्यो । प्रिमियर लिगको अघिल्लो खेलमा लिभरपूलसँग ५–१ को हार ब्यहोरेको आर्सनलले इमिरेट्स स्टेडियममा फुलह्यामको पोस्टमा चार गोल गर्‍यो ।

 

फुलह्यामविरुद्ध जित दिलाउनका लागि ग्रानिट जाका, अलेक्सान्द्रे लाकाजेटी, एरोन राम्से र पिएरे एमरिक अबामेयाङ्ले एक–एक गोल गरे ।  आर्सनल ३८ अंक बनाउँदै पाँचौं स्थानमा छ । फुलह्याम भने १४ अंक जोड्दै रेलिगेसन जोनमा छ । 

 

मंगलबार राति नै भएको खेलमा लेस्टरले एभर्टनमाथि १–० को जित निकाल्दै प्रिमियर लिगको तालिकामा सातौं स्थानमा उक्लिएको छ ।   

इंग्लिस प्रिमियर लिग आर्सन फुलह्याम