काठमाडौं ।कुनै समय नेपली चलचित्र क्षेत्रमा एकक्षत्र राज गरेकी नायिका रेखा थापाको फिल्मी क्यारियर अहिले ओरालो लाग्दो अवस्थामा छ । रेखाका पछिल्ला तीन फिल्म ‘मालिका’, ‘रुद्रप्रिया’ र ‘पलाँस’ले राम्रो व्यापार गर्न सकेनन् । मालिका र पलाँसले त पानी पनि नमागी फ्लप भएपछि उनको ‘फिल्म राम्रो बनाउछु’ भन्ने आत्मविश्वास सप्रमाण बेकार भएको छ ।  
नेपालका वरिष्ठ पत्रकारहरुले रेखालाई हिरोइन नभएर ‘हिरो’ हुन् र ‘उनका स्टारडमले फिल्म चल्छ’ भन्दै भरिने गरेको शाब्दिक फूलबुट्टा पनि ओइलाएका छन् । 

 

निखिल उप्रेती 

कुनै समय यस्तो पनि थियो जतिबेला रेखा र निखिललाई लिएर फिल्म बनाउन निर्देशक निर्माता जोडतोड कोसिस गर्थे । रेखा र निखिलका फिल्महरूले बजार तताउथ्यो । एकअर्काको स्टारडमको घमण्डले उनीहरूको सम्बन्धमा दरार आयो । रेखाले निखिललाई आफू जसरी नाचेर अभिनय गरेर देखाउन च्यालेन्जसमेत गर्न थालिन् । तर रेखालाई नृत्यमा अब्बल भनेर नेपाली फिल्मी क्षेत्रले चिन्दैन ।  

 

विराज भट्टलाई मरेको कुकुर

रेखा थापाको चलचित्र ‘हिम्मत’बाट विराज भट्ट नायकको पूर्ण भूमिकामा आए । यसअघि उनी सहायक भूमिकामा सिमित थिए । दुवैको जोडीलाई दर्शकले पनि रुचाए । विराज र रेखा चलेका नायक नायिकाको सूचीमा थिए । केही समयपछि कहानी फेरियो । विराज भट्ट अभिनित फिल्म ‘दामिनी’ र रेखा थापाको फिल्म ‘काली’ एकसाथ प्रदर्शनमा आयो । ‘काली’ फिल्मले राम्रै व्यापार ग¥यो । ‘दामिनि’ कमजोर साबित भयो । लगत्तै रेखा थापाले ‘मरेको कुकुरलाई काँध राखेर बाघसँग प्रतिस्पर्धा गर्न नआउनू’ भनिन् । त्यो अभिव्यक्तिलाई धेरैले विराजलाई रेखाले मरेको कुकुर भनेको अर्थमा बुझे । जवाफमा विराजले रेखालाई ‘अनपढ’ र ‘म्यानरलेस’को संज्ञा दिए । रेखाको औपचारिक पढाई कक्षा ८ सम्म मात्रै हो । 

 

आर्यन सिग्देल 

रेखा थापाकै फिल्म ‘किस्मत’बाट आर्यन सिग्देलले सिने क्षेत्रमा पाइला राखे । रेखा–आर्यनको जोडी पनि जम्यो । उनीहरुले ‘हिफाजत’, ‘कसले चो¥यो मेरो मन’ जस्ता फिल्ममा एकसाथ काम गरे । ‘कसले चो¥यो मेरो मन’ पछि रेखाको र आर्यनको सम्बन्धमा पनि खटपट आयो । यतिमात्र होइन, दुवैले एकअर्काको आलोचना गर्दै पनि हिँडे । आठ वर्षसम्मको पानी बराबरको सम्बन्धलाई तोडेर यी दुईको पूनर्मिलन भयो । त्यसपछि पछिल्लो पटक फिल्म ‘रूद्रप्रिया’ मा उनीहरूले एकसाथ काम गरे । अहिले उनीहरूको सम्बन्ध राम्रो छ । रेखा र आर्यनको आठ वर्षपछिको पूनर्मिलनको चर्चाले फिल्म ‘रूद्रप्रिया’ को राम्रै प्रचार भएको थियो । दुईबीचको खटपटको कारण भने उनीहरू दुवैले खुलाएका छैनन् । 

 

सुर्दशन गौतम 

रेखा थापाले आफ्नो फिल्म ‘हिम्मतवाली’ मा दुई हात नभएका नेपालका पूर्वनागरिक सुुर्दशन गौतमलाई नायकको रुपमा लिइन् । त्यतिबेला सुदर्शनले सगरमाथाको सफल आरोहण गरेको हास्यास्पद खबरले बजार तताएको थियो । चलेका पात्रलाई प्रयोग गरेर सिनेमा चलाउन जानेकी रेखा र शेर्पाको बुई चढेर सगरमाथा आरोहरणको अफवाह फैल्याउने क्यानेडियन सुदर्शनको केमेष्ट्रि मिल्यो । 
रेखाले आफूलाई प्रेमको मामिलामा ‘ग्रिन सिग्नल दिइन्’ भन्ने अभिव्यक्ति सुदर्शनले दिए । हिम्मतवाली हलबाट उत्रिसक्दा सुदर्शनसँगको प्रपोगाण्डाको यात्रा पनि सकियो । रेखाबाट आर्दशका रुपमा प्रस्तुत गरिएका सुदर्शन मानव तस्करीको अभियोगमा पक्राउ परे । 

 

निकम्मा निर्देशक श्याम भट्टराई

रेखा थापा र चलचित्र निर्देशक श्याम भट्टराईको विवाद पनि निकै चल्यो । रेखाले फिल्म ‘हिम्मतवाली’ मा श्याम भट्टराईलाई निर्देशकको रुममा लिइन् । तर फिल्मकोबीचमा नै रेखाले श्याम भट्टराईलाई ‘निकम्मा निर्देशक’ भन्दै किक आउट गरिन् । स्मरण रहोस, विवाद भन्दाअगाडि रेखा र श्याम एक अर्कालाइ दाजु बहिनी मान्थे । हिम्मतवाली व्यापारिक रूपमा सफल रह्यो । भट्टराईले मर्यादा, मौसम, च्यालेन्ज, लंका जस्ता फिल्म निर्देशन गरेका छन् भने गहना, जानकी, कथा, दुइ थोपा आँशु जस्ता टेलिसिरियलको निर्देशन गरेका छन् । 

 

दश वर्ष छविसँग बसेर पनि ‘भर्जिन’/ आफ्नै कुरालाई ‘ननसेन्स’

निर्माता छवि ओझासगँको सम्वन्ध त जग जाहेर नै छ । रेखा थापालाई नेपाली चलचित्र क्षेत्रमा भित्र्याउने निर्माता हुन् छवि ओझा  । निर्माता र नायिकाको जोडी प्रेम सम्बन्ध हुँदै वैवाहिक बन्धनमा बाँधियो । वैवाहिक सम्बन्धको दशांै वर्षमा विवाद बढ्यो । दुवैले एक अर्का प्रति खुल्ला रुपमा नै विष ओकल्न थाले र अन्यमा सम्बन्ध टुट्यो । सम्बन्ध विच्छेदको केहि समयपछि एक अन्र्तवार्तामा रेखाले आफू भर्जिन भएको दावी गरिन् र जग हसाइन् । फिल्म ‘आधी बाटो’ हेर्न पुगेकी रेखाले पत्रकारसँको कुराकानीमा आफूले कहिल्यै विवाह नगरेको वकालत गरिन् । यससँगै उनले अफू अहिलेसम्म भर्जिन रहेकोसमेत दाबी गरेकी थिइन् । पछि पत्रपत्रिकामा यो समाचार आउन थालेपछि रेखालाई आफैेंले बोलेको कुरा बोक्नु न टोक्नु भएपछि यो कुरा ‘ननसेन्स’ भएको पनि दाबी गर्न भ्याइन् । 

 

पत्रकारको झापु भेटेपछि घाँटी दबाउन गइन् 

गाईजात्रा अङ्कमा पत्रकार चिरञ्जीवि पैडेलले वि स २०६९ को गाइजात्रामा रेखा थापाको विषयमा एक लेख लेखेका थिए । आफ्नो व्यक्तिगत विषयमा लेख लेखेको भनेर रेखाले पत्रकार चिरञ्जीवी पौडेललाइ उनकै अफिसमा गएर झापड लागाइदिन् । गाइजात्राको अंकमा रेखा थापा सौर्य दैनिकमा ‘रेखा थापाको मिनिस्कर्ट रहस्य’ शिर्षकमा अश्लील, अभद्र सामाग्री छापेपछि स्थिति कुटाकुटसम्म पुगेको थियो । घटनापछि ‘सौर्य दैनिक’मा ‘रेखा थापासँग जे भयो’ शिर्षकमा एक पेजको लेख छापिएको थियो । 
रेखाले पौडेललाई केको आधारमा लेख्यौ भनेर सोध्दा पौडेलले उत्तर दिएछन्, ‘गाईजात्रे लेखमा पनि आधार चाहिन्छ र ? कल्पना गरेर लेखेको हुँ ।’ त्यसपछि रेखाले जुरुक्क उठेर भनिन्, ‘म पनि कल्पना गर्छु है ।’ पौडेलको नजिक गएर उनले एकाएक गालामा एक थप्पड हानिन् । तत्काल पौडेलले पनि रेखालाई अर्को झापड फर्काए । त्यसपछि रन्थनिएकी रेखाले पौडेलको घाँटी समाउन गइन् । सँगै रहेका एक व्यक्तिले घटना साम्य बनाएका थिए । 

 

कलाकारहरुप्रति दृष्टिकोण बिगार्नमा रेखा 

सांस्कृतिक कार्यक्रमहरुमा आउनु भनेर आयोजकसँग प्रतिबद्धता जनाउने, पैसा पनि लिने तर तोकिएको दिन कार्यक्रम स्थलमै नजाने र फोन पनि नउठाउनेमा नायिका रेखा थापाको पनि नाम छ । रेखाले २०७२ सालमा खोटाङमा जनसेवा समाजले आयोजना गर्ने कार्यक्रममा सहभागी हुने भनेर अग्रिम पारिश्रमिक लिइन् । कार्यक्रमका लागि प्रमोसनल भिडियो पनि तयार गरियो । रेखाले सबै खोटाङबासीलाई कार्यक्रममा आउन भिडियोमार्फत आह्वान पनि गरिन् । तर कार्यक्रम हुने दिन रेखा आफै गइनन् । रेखा आउने भनेर आयोजकले टिकट बेच्ने, स्पोन्सर खोज्नेदेखि जनतालाई समेत बोलाए । तर यता रेखाले आयोजकको फोन पनि उठाइनन् । आयोजकले पनि रेखाविरुद्ध ठगीमुद्दामा उजुरी दियो । 
यस्तो हर्कत मलेसियामा गर्ने भनिएको कार्यक्रममा पनि उनले यस्तै गरिन् । आउँछु भन्दै कार्यक्रमको पोस्टरमा फोटो छपाउन लगाइन् तर गइनन् । 

 

उडन्ते शैलीमा राजनीति

तत्कालीन एकीकृत नेकपा माओवादीको सिंहदारवार घेराउ कार्यक्रम चलिरहँदा प्रचण्डसँग नाचेपछि रेखा थापाको राजनीतिक रुपमा चर्चा चल्यो ।

प्रचण्डसँग नाचेको फुटेज भाइरल नै भयो । त्यसकै परिणाम मान्नु पर्छ २०७४ जेष्ठ ४ मा रेखा थापा औपचारिक रुपमा नै एमाओवादीमा प्रवेश गरिन् । पार्टी प्रवेश गर्दादेखि नै यस्तो गर्छु उस्तो गर्छुको भाषण शुरु भइसकेको थियो । रेखा थापाले टिकट पाउने पनि पक्का भयो । तर रेखाको सांसद बन्ने सपनाले पूर्णरुप पाउन सकेन । जब निर्वाचन आयोगले रेखाको नाम मतदाता नामावलीमा नभएकको खुलासा गरिदियो । मतदाता नामावलीमा आफ्नो नाम छैन भन्ने पनि सम्भवतः रेखालाई थाहा थिएन । मतदाता नामावलीमा नाम नभए पनि सांसद हुन दौडधुप गरेकी रेखाको त्यो हस्याङफस्याङलाई धेरैका लागि खिसिट्युरीको मसला बन्यो । 

दोस्रो संविधानसभाको चुनावमा एमाओवादी पहिलोबाट तेस्रोमा झ¥यो । त्यसपछि रेखाको शक्तिप्रतिको मोह भंग भयो । रेखाले पार्टी छोडिन् कि पार्टीले रेखा थाहा भएन । एमाओवादी छाडेपछि रेखा कमल थापाको पार्टी राप्रपा प्रवेश गरिन् । लोकतन्त्र र धर्मनिरपेक्ष राष्ट्रको कुरा गर्ने रेखा एका एक हिन्दु राष्ट्र र राजतन्त्रको माग गर्न थालिन् । राप्रपा पनि फुट्यो । कमल थापा छाडेर रेखाले पशुपति शमशेरको राप्रपा छानिन् । अहिले रेखाको राजनीतिक चर्चा मौन छ । 

राजनीतिमा स्थान बनाउन फिल्ममा झै रेखालाई सजिलो भएन । सँगसँगै जस्तो राजनीतिमा प्रवेश गरेकी कोमल वली अहिले सांसद छिन् । करिश्मा मानन्धर नयाँ शक्तिमा छिन् । उनी पढ्नसमेत थालेकी छिन् । तर रेखाले बौद्धिक क्षमता उकास्न भन्दा सस्तो चर्चा हुने काममा आफूलाई व्यस्त राखेको टिप्पणी हुने गरेको छ । 

 
 

रेखा थापा कन्ट्रोभर्सी