काठमाडौं । यूएई क्रिकेट टोलीका कप्तान रोहन मुस्तफालाई धनगढी प्रिमियर लिग (डिपिएल) मा धनगढी स्टार्सले अनुबन्ध गरेको छ । सोमपाल कामी रणनीतिक खेलाडी रहेको धनगढीले तेस्रो सिजनका लागि रोहनलाई अनुबन्ध गरेको हो । 

 

अघिल्लो सिजन पनि धनगढीबाट खेलेका रोहनलाई टिमले फेरि एकपटक अनुबन्ध गरेको छ । अघिल्लो सिजन ‘म्यान अफ द सिरीज’ बनेका रोहनले पोखरा प्रिमियर लिगमा बुटवलबाट खेलेका थिए । यो टिमका कप्तान पनि सोमपाल कामी नै रहेका थिए ।

 

केहि साता अगाडि भएको एभरेष्ट प्रिमियर लिग खेलेका रोहन नेपालमा चौंथो प्रतियोगिता खेल्ने भएका छन् ।अहिले यूएई क्रिकेट बोर्डको सस्पेन्सनमा रहेका रोहन नहुँदा यूएईले नेपाल विरुद्धको एकदिवसीय सिरीज दुई एकले गुमाएको छ ।

रोहन मुस्तफा धनगढी प्रिमियर लिग यूएई क्रिकेट टोली