एजेन्सी । जारी इंग्लिस प्रिमियर लिगमा म्यानचेस्टर युनाइटेडले लगातार चौथो जित निकालेको छ । बुधबार राति भएको खेलमा युनाइटेडले न्यू क्यासललाई २–० गोलले हराउँदै लगातार चौंथो जित निकालेको हो । नयाँ प्रशिक्षक गुनर सोल्स्जेरले प्रशिक्षण सम्हालेपछि म्यानचेस्टर लगातार विजयी भइरहेको छ । 

 

न्यू क्यासलको घरेलु मैदानमा भएको खेल रोमाञ्चक खेलको पहिलो हाफ गोलरहित बराबरीमा सकिएको थियो । तर ६४ औं मिनेटमा सब्स्टिच्युट खेलाडी रोमेलु लुकाकुले गोल गर्दै पाहुना टिम युनाइटेडलाई अग्रता दिलाए । त्यसपछि ८० औं मिनेटमा मार्कुस रासफोर्डले दोस्रो गोल गरे । जितपछि युनाइटेडका प्रशिक्षक गुनरले आफूले क्लब छोड्न नचाहेको प्रतिक्रिया दिए ।

 

खेलाडीले पछिल्ला चार खेलमा जस्तो प्रदर्शन गरेका छन्, त्यो आफ्ना लागि निकै उत्साहजनक रहेको भन्दै सबै खेलाडीको खुलेर प्रंशसा गरे । यता अर्को खेलमा चेल्सी भने बटम थ्री मा रहेको क्लव साउथह्यामन्टनसँग गोलरहित बराबरीमा रोकियो । जितपछि युनाइटेडले २१ खेलबाट ३८ अंक बनाएको छ भने चेल्सीको ४४ अंक छ ।

इंग्लिस प्रिमियर लिग म्यानचेस्टर युनाइटेड न्यू क्यासल