पर्वत बस दुर्घटना अपडेट : मृतकमध्ये पाँचको सनाखत
पर्वत : पर्वतको मालढुंगामामा भएको बस दुर्घटनामा परी मुत्यु भएका मध्ये पाँचको सनाखत भएको छ।
मृत्यु हुनेमा पर्वतको जलजला गाउँपालिका–८ का एकै परिवारका सेते परियार र टीका परियार, म्याग्दीको पाखापानीका राजेश पुन र विषमाया पुन, बाग्लुङ नगरपालिका–४ खुँडुलेका शान्ति केसी रहेका छन्। मृतक बाँकी दुई जनाको खनाखत हुन सकेको छैन।
दुर्घटनामा ३१ घाइते भएको जिल्ला प्रहरी कार्यालय बागलुङले जनाएको छ । मृतकको संख्या बढ्न सक्ने प्रहरीले जनाएको छ । घाइतेमध्ये गम्भीर दुई जनाको हेलिकप्टरबाट थप उपचारका लागि काठमाडौंको ग्राण्डी अस्पताल लगिएको छ भने थप तीन जनालाई उपचारका लागि काठमाडौं पठाउन तयारी भएको भइरहेको छ ।
अन्य घाइतेहरुको धौलागिरि अञ्चल अस्पतालमा उपचार गरिँदै छ भने १० जनालाई थप उपचारका लागि एम्बुलेन्समार्फत पोखराको मणिपाल अस्पताल पठाइएको जिल्ला प्रहरी कार्यालय बागलुङले जनाएको छ ।
म्याग्दी जिल्लाको बेनीबाट चितवनको नारायणगढतर्फ जाँदै गरेको ग१ख ६१०८ नं को बस पर्वत कुश्मा नगरपालिका–१ मालढुङ्गामा दुर्घघटनामा परेको हो । दुर्घटनाको कारण भने अहिलेसम्म खुलेको छैन ।
दुर्घटना
