एजेन्सी।   बलिउड अभिनेता सैफ अलि खान अभिनित चलचित्र लाल कप्तान छिट्टै नै प्रदर्शनमा आउने तयारीमा रहेको छ।  यस चलचित्रमा सैफलाई नागा साधु बाबाको लुक्समा देखिएको छ। तर केहि मानिसले उनको यस लुक्सलाई हलिउड पाईरेट्स अफ केरेबियनका मुख्य पात्र जैक स्पैरोसंग पनि तुलना गरिरहेका छन जुन तुलनादेखि सैफ कत्ति पनि खुसि देखिएका छैनन्।  

एक मिडियासंग अन्तर्वार्ता दिने क्रममा सैफले आफ्नो तुलना ज्याक स्प्यारोसंग नगर्न आग्रह गरेका छन।  उनले भनेका छन।  चलचित्रमा मैले निर्वाह गरेको नागा साधु बाबा हाम्रो परम्परा हो र यो हाम्रो जस्तो देशमा बढी नै प्रचलनमा पनि आउने गर्छ , त्यसैले यो हाम्रै देशको क्यारेक्टर हो अरुसंग यस विषयमा बढी बहस र तुलना गर्नु राम्रो होइन। 

तथापी लाल कप्तानमा सैफको भूमिका हुबहु स्प्यारोको झैँ देखिएको छ।  उनले भने मलाई नागा साधु बाबाको भूमिकामा प्रस्तुत हुने २ घण्टा लाग्थ्यो।  तर जे होस काम गर्दै जाँदा मलाई यो भूमिकामा उत्रिनका लागि खासै गाह्रो भने भएन। 

यसका साथै चलचित्रका निर्देशन  नवदीप सिंहले सैफको लुक्स स्प्यारोसंग मिल्नु एक संयोग मात्र भएको बताएका छन।