स्पेनिश क्लब एफसी बार्सिलोनाका उत्कृष्ट खेलाडी लियोनेल मेसीले २०१८ - १९ को यूरोपीयन गोल्डन शू को अवार्ड जितेका छन।  अर्जेटीनाको राष्ट्रीय टीमका कप्तान मेसीले करियरको छैटौं पटक यो अवार्ड जितेका हुन्। 

ला लिगामा गत सिजन सर्वाधिक गोल गरेका मेसीलाई बुधबार गोल्डेन बुट प्रदान गरिएको हो। उनले गत सिजनमा ३६ गोल गरेका थिए।  यस कार्यक्रममा उनि आफ्ना परिवारसहित उपस्थित भएका थिए।  मेसीले यो अवार्ड उनको बच्चाको हातबाट लिएका हुन्।  

उनले यस भन्दा पहिले २००९ -१० को सिजनमा गोल्डेन बुट जितेका थिए।  गत सिजन ३४ गोल गरेका उनले दुई वर्षअघि ३७ गोल गरेका थिए।

यस पश्चात उनले सन् २०११ -१२ , २०१२ - १३ , २०१६ -१७ , १०१७ -१८ र २०१८ - १९ मा यो उपाधि आफ्नो पोल्टोमा पर्न सफल भएका थिए।  मेसिका साथमा क्रिस्टियानो रोनाल्डोको भन्दा २ ओटा बढी गोल्डेन सु रहेको छ।    

 

मेसीलाई छैठौं पटक गोल्डेन बुट