काठमाडौंः नेपाली लेग स्पिनर सन्दीप लामिछाने इंग्ल्याण्ड तथा वेल्स क्रिकेट बोर्डले अर्को वर्षदेखि सुरु गर्न लागेको नयाँ प्रतियोगिता ‘द हन्ड्रेड’ को ड्राफ्टमा छानिएका छन् ।

आइतबार राति सम्पन्न भएको ड्राफ्टमा सन्दीपलाई ओभल इन्भिन्सिबलले छनोट गरेको हो । उनलाई  इन्भिन्सिबलले दोस्रो राउन्डको दोस्रो छनोटका रुपमा टोलीमा समावेश गरेको हो ।

हरेक टिमले अधिकतम ३ विदेशी खेलाडी मात्र अनुबन्ध गर्ने प्रावधान रहेको छ । ओभलको टोलीमा अनुबन्धित सन्दीपले आफ्नो मूल्य १ लाख पाउन्ड तोकेका थिए । उनीसँगै यस रकम समूहमा अष्ट्रेलियाका क्रिस लिन, अफगानिस्तानका मोहमद नाबी, न्यूजिल्यान्डका केन विलियमसन र पाकिस्तानका मोहमद आमिर रहेका थिए ।

सन्दीपसँगै विदेशी खेलाडीका रुपमा ओभलबाट सुनिल नारायण र फाबियान एलेन रहेका छन् । टोलीमा मार्की खेलाडी साम करन रहेका छन् ।

प्रतियोगितामा ८ टोलीको सहभागिता रहनेछ । हरेक टोलीले आफ्नो स्थानीय मार्की खेलाडी यसअघि नै छनोट गरिसकेका थिए ।  

सन्दीप लामिछाने क्रिकेट द हन्ड्रेड