इटहरी । धरानबाट विराटनगर जाँदै गरेको बसभित्र युवती बलात्कृत भएकी छिन् । बस इटहरीमा पुगेपछि युवतीमाथि सामुहिक बलात्कार भएको हो । युवतीमाथि जबरजस्ती करणी गर्ने चार जना पक्राउ परेका छन् । धरानबाट बिराटनगर जाँदै गरेको को १ ख ४६२७ नम्बरको बसका कन्टेक्टर नितेश घिमिरे, सुमन मग्रान्ती र आशिष कार्कीले बसको ढोका बन्द गरी इटहरी १० स्थित बिराटनगरलाईनमा जबरजस्ती करणी गरेको ईलाका प्रहरी कार्यालय इटहरीका प्रहरी नायव उपरीक्षक धर्मराज भण्डारीले जानकारी दिए ।

घटना राती करीब १० बजे भएको हो । बसका पुरानो कन्टेक्टर नितेश भन्नेले रक्सी समेत खुवाएर ती युवतीलाई मुख थुनेर बलात्कार गरेको पाइएको प्रहरीले जनाएको छ । प्रहरीले घटनामा संलग्न मोरङ सुन्दरहरैँचा नगरपालिका १२ का ३३ बर्षीय बिकास कसाई, झापा सुरुङ्गा नगरपालिका ४ बस्ने २२ बर्षीय सुरज थापा, सिरहाको लहान नगरपालिका ४ बस्ने २७ बर्षी सुरेन्द्र भुजेल, मोरङ बेलबारी ७ बस्ने आशिष कार्कीलाई पक्राउ गरेको छ । आरोपीहरुले सडक छेउमै गरेको यो हर्कतबारे स्थानीयले प्रहरीलाई खवर गरेका थिए ।