काठमाडौंः नेपालको पहिलो महिला फ्रेन्चाइज क्रिकेट प्रतियोगिता वुमन्स च्याम्पियन्स लिगको फाइनलमा क्याट क्वीन्स काठमाडौंविरुद्ध चितवन राइनोजले टस हारेर ब्याटिङ गरिरहेको छ । 

त्रिवि क्रिकेट मैदान कीर्तिपुरमा भइरहेको खेलमा यो समाचार तयार पार्दासम्म चितवनले १२ ओभरमा २ विकेट गुमाएर ६० रन बनाएको छ । राउण्ड रोबिन लिगका आधारमा भएको ५ टोली सहभागी प्रतियोगितामा चितवन सतप्रतिशत जित निकाल्दै फाइनलमा प्रवेश गरेको हो । 

काठमाडौंले भने विराटनगरसँग इलिमिनेटर खेलेको थियो । चितवन ईन्दु बर्माको नेतृत्वमा मैदान उत्रिँदा काठमाडौं रुबिना क्षेत्रीको कप्तानीमा हुनेछ । क्विन्स ईभेन्ट म्यानेजमेन्टले आयोजना गरेको प्रतियोगिताको विजेताले ७ लाख र उपविजेताले ३ लाख रुपैयाँ पुरस्कार प्राप्त गर्नेछन् । 

">

क्याट क्वीन्स काठमाडौं भर्सेस चितवन राइनोज वुमन्स च्याम्पियन्स लिग