पारस पनि टी–१० लिगमा अनुबन्ध, को–को छन् उनको टिममा स्टार क्रिकेटर?
काठमाडौंः नेपाली राष्ट्रिय क्रिकेट टिमका पूर्वकप्तान एवं महत्वपूर्ण सदस्य पारस खड्का आउँदो महिना यूएईमा हुने टी–१० क्रिकेट लिगमा अनुबन्ध भएका छन् । पारसलाई अबुधाबी टिमले अनुबन्ध गरेको हो । यो कुराको जानकारी अबुधाबीले आफ्नो ट्विटरमार्फत दिएको छ ।
टी–१० का लागि गत हप्ता ड्राफ्ट सकिएको थियो । पारसको नाम भने ढिला गरि सार्वजनिक गरिएको हो । ड्राफ्ट अघि नै फ्रेन्चाइज टोलीले आफूलाई सम्पर्क गरेर अनुबन्ध गरिसकेको पारसले बताए । उनले १० हजार अमेरिकन डलर पारिश्रमिक पाउने सम्झौता भएको जानकारीसमेत दिए ।
नेपाली क्रिकेट टोली लेग स्पिनर सन्दीप लामिछाने कर्नाटक टस्कर्सबाट टी–१० लिग खेल्दै छन् । उनी ‘ए’ क्याटगरीमा परेर छनोट भएका थिए । ‘ए’ समूहमा पर्ने खेलाडीले ४५ हजार अमेरिकी डलर पाउने छन् । टी–१० नोभेम्बर १५ देखि २४ सम्म यूएईमा हुँदैछ ।
पारसको टोलीको आइकन खेलाडीका रुपमा इंग्ल्याण्डका मोइन अली छन् । त्यस्तै सन्दीपको टोलीको आइकन खेलाडीमा दक्षिण अफ्रिकाका पूर्व ओपनर हसिम अमला छन् । पारसको अबुधाबीमा पारस, मोइन अलि बाहेक मोहम्मद आमिर, ह्यारी गर्नी, कोरी एण्डरसन, लुकी राइट, निरोशन डिकवेला, रोहन मुस्तफा लगायत छन् ।
यस्तो छ पारसआवद्ध आबुधाबीको टिम
