इंग्ल्याण्डसँगको सिरिजका लागि न्यूजिल्याण्डद्वारा टिम घोषणा
काठमाडौंः इंग्ल्याण्ड विरुद्धको टी–२० क्रिकेट सिरिजका लागि न्यूजिल्याण्डले टिम घोषणा गरेको छ । न्यूजिल्याण्डका नियमित कप्तान केन विलिम्सन चोटका कारण टोलीमा परेका छैनन् । उनको अनुपस्थितिमा बलर टिम साउथीले टिममा कप्तानको भूमिका निर्वाह गर्ने छन् । नर्दन डिस्ट्रिक्टबाट प्रतिनिधित्व गर्दै प्लुङ्केट सिफिल्ड अन्तर्गत क्यान्टबरीबीचको खेलमा विलिम्सनलाई कम्मरमा चोट लागेको थियो ।
यस्तै न्यूजिल्याण्डका अलराउण्डर जिमी नीसमलाई टिममा पुनः बोलाएको छ । त्यस्तै लक्की फर्गुसन सुरुका तीन खेलका लागि टोलीमा परेका छन् भने अन्तिम दुई खेलमा उनको स्थानमा ट्रेन्ट बोल्टले खेल्ने छन् ।
अर्को वर्ष अष्ट्रेलियामा हुने टी–२० विश्वकपको तयारी स्परुप सबै देशहरुले छोटो प्रारुपको खेल बढी भन्दा बढी खेलिरहेका छन् ।
पाँच खेलको सिरिज अन्तर्गत पहिलो खेल १ नोभेम्बरमा न्यूजिल्याण्डको क्रिसचर्चमा हुनेछ । टी–२० सिरिजपछि दुवै टिमले २ खेलको टेष्ट सिरिज खेल्ने छन् ।
इंग्ल्याण्डविरुद्ध न्यूजिल्याण्डको टिमः मार्टिन गुप्टिल, कोलिन मुनरो, टिम साउथी (कप्तान), कोलिन डी ग्राण्डहोम, लक्की फर्गुसन (पहिलो तीन खेलका लागि), स्कट कुग्गेलेइजन, डेरिल मिचेल, जिम्मी नीसम, मिचेल सान्टनर, टिम सेफर्ड, इश सोधी, रस टेलर, ब्लेयर टिकर र ट्रेन्ट बोल्ट (अन्तिम दुई खेलकालागि) ।
