क्रिकेटसँगै संगीतमा पनि जम्दै सन्दीप, ल्याए अर्को नयाँ गीत
काठमाडौंः नेपाली क्रिकेट टिमका महत्वपूर्ण सदस्य लेग स्पिनर सन्दीप लामिछानेले अर्को नयाँ गीत बजारमा ल्याएका छन् ।
सन्दीपले शुक्रबार आफ्नो युट्युब च्यालनमार्फत ‘बगि जाने खोलाको के नै भर छर..’ बोलको गीत सार्वजनिक गरेका हुन् । अडियो मात्रै रहेको उक्त गीतको संगीतकार तथा रचनाकारबारे केही उल्लेख गरिएको छैन ।
यसअघि सन्दीपले ‘उदास थियो मेरो यो पन’, ‘कता कता आफैंभित्र हराइरहन्छु’, ‘यो झरीमा तिमीसँगै’, ‘ताजै छ मेमरी’ जस्ता गीत सार्वजनिक गरिसकेका छन् ।
सन्दीपका यस अघिका गीत पप लयका थिए । हालको गीत भने लोक लय मिश्रित छ ।
१९ वर्षकै उमेरमा विश्व क्रिकेट दुनियाँमा आफूलाई स्थापित गराउन सफल सन्दीप आफू क्रिकेटर नभएको भए गायनमा लाग्ने बताउँदै आएका छन् ।
सन्दीप लामिछाने नयाँ गीत
