काठमाडौंः अन्तर्राष्ट्रिय टी–२० क्रिकेटमा अष्ट्रेलिया टिमका ओपनर डेभिड वार्नरले पहिलो शतक बनाएका छन् ।

उनले श्रीलंका विरुद्धको टी–२० सिरिजको पहिलो म्याचमा पहिलो शतक बनाएका हुन् ।

वार्नरले ४ छक्का र १० चौकाको मद्दतमा ५६ बलमा नटआउट शतक बनाए । उनको यो टी–२० करियरकै उच्च स्कोर हो ।

यसअघि वार्नरको टी–२० मा ९० रन उच्च स्कोर थियो ।

दक्षिण अफ्रिकासँगको टेष्ट सिरिजमा बल टेम्परिङ पछि प्रतिबन्धमा रहेका वार्नरको यो पहिलो अन्तर्राष्ट्रिय टी–२० म्याच पनि हो ।

श्रीलंकालाई २३४ रनको विशाल लक्ष्य

टी–२० सिरिजको पहिलो खेलमा घरेलु टिम अष्ट्रेलियाले श्रीलंकालाई २३४ रनको विशाल लक्ष्य दिएको छ ।

टस हारेर ब्याटिङको मौका पाएको अष्ट्रेलियाले निर्धारित २० ओभरमा २ विकेट गुमाएर १३३ रन बनायो ।

उसका लागि वार्नरले नटआउट शतक बनाए । उनी बाहेक कप्तान आरोन फिन्च र ग्लेन म्याक्सवेलले पनि उत्कृष्ट ब्याटिङ गरे ।

फिन्चले ३ छक्का र ८ चौकाको सहयोगमा ३६ बलमा ६४ रन बनाए ।

यस्तै म्याक्सवेल ३ छक्का र ७ चौकाको मद्दतमा २८ बलमा ६२ रनमा आउट भए । एश्टन टर्नर १ रनमा नटआउट रहे ।

बलिङमा श्रीलंकाका दासुन शानका र लक्षण सदाकर्णले एक–एक विकेट लिए ।

अष्ट्रेलिया भर्सेस श्रीलंका टी–२० क्रिकेट सिरिज डेभिड वार्नर शतक