काठमाडौंः अष्ट्रेलिया विरुद्धको टी–२० क्रिकेट सिरिजको दोस्रो खेलमा पाहुना टोली श्रीलंकाले टस जितेर ब्याटिङ गर्ने निर्णय गरेको छ ।

पहिलो खेलमा टस जितेर बलिङ रोज्दा लज्जास्पद हार बेहोरेको श्रीलंकाले आज भने ब्याटिङ गर्ने निर्णय गरेको हो ।

सिरिजको पहिलो खेलमा श्रीलंका १३४ रनले हारेको थियो । उक्त खेलमा श्रीलंकाले २३४ रनको विशाल लक्ष्य पाएको थियो ।

उक्त लक्ष्य पछ्याउने क्रममा श्रीलंकाले निर्धारित २० ओभरमा ९ विकेट गुमाएर ९९ रन मात्र बनाउन सकेको थियो ।

 अष्ट्रेलिया–श्रीलंकाको लाइभ म्याच हेर्न यहाँ क्लिक गर्नुस् 

सिरिज जित्ने हो भने श्रीलंकाले आजको खेलमा विजयी हासिल गर्नैपर्ने हुन्छ । यदि यो खेल हारेमा सिरिज जित्नबाट श्रीलंका बञ्चित हुनेछ ।

तीन खेलकाे सिरिजमा अष्ट्रेलियाले १–० को अग्रता बनाएको छ । श्रीलंकाले आज प्लेइङ ११ मा तीन खेलाडी परिवर्तन गरेको छ ।

उसले भानुका राजापाक्षे, ओसादा फर्नान्डो र कसुन रजिथालाई विश्राम दिएको छ । उनीहरुको स्थानमा अभिश्का फर्नान्डो, निरोशन डिकवेला र इशरु उडानाले मौका पाएका छन् ।

यता अष्ट्रेलियाले भने मिचेल स्टार्कको स्थानमा बिली स्टानलेकलाई प्लेइङ–११ मा समावेश गरिएको छ ।  

 

टी–२० क्रिकेट सिरिज अष्ट्रेलिया भर्सेस श्रीलंका