काठमाडौंः भारतको मुम्बईबाट घरेलु क्रिकेट प्रतियोगिता खेल्ने गरेका नेपाली मूलका जय बिष्टलाई आउँदो सिजनको इन्डियन प्रिमियर लिग (आइपीएल) मा देख्न पाइने सम्भावना बढेको छ । केही समययता उनले उत्कृष्ट प्रदर्शन गरिरहेका छन् ।

२३ वर्षीय बिष्ट ओपनर हुन् । उनले हालसम्म २० टी–२० म्याचमा ५ सय ६४ रन बनाईसकेका छन् । बिष्टले यो रन १४५ को स्ट्राइक रेट र ३३ ओ औसतमा बनाएका हुन् ।

घरेलु प्रतियोगितामा निकै चम्किँएका उनी स्पिन–फास्ट दुवै बलरविरुद्ध उत्कृष्ट खेल्ने गरेका छन् । उत्कृष्ट प्रदर्शन गरिरहेका भए पनि बिष्टले हालसम्म आइपीएल खेल्ने मौका भने पाएका छैनन् । तर, आउँदो सिजन २०२० को आइपीएलमा भने उनलाई टिमले किन्नसक्ने भारतीय सञ्चारमाध्यमले जनाएका छन् ।

बिष्टलाई आइपीएलको फ्रेन्चाइज टिम मुम्बई इन्डियन्सले मौका दिनसक्ने भारतीय अनलाइन स्पोर्टविकिले जनाएको छ ।

आइपीएलको आगामी संस्करणको ‘अक्सन’ १९ सिसेम्बरमा कोलकातामा हुँदैछ । रोयल च्यालेन्जर्स र चेन्नई सुपर किंग्ससँग आक्रामक ओपनरको कमी छ । बिष्टलाई यी दुई टिमले पनि किन्नसक्ने सम्भावना रहेको भारतीय सञ्चारमाध्यमले लेखेका छन् ।

आइपीएल जय बिष्ट