काठमाडौंः इंग्ल्याण्ड विरुद्धको टेष्ट सिरिजको पहिलो म्याचकाे पहिलाे  इनिङ्समै न्यूजिल्याण्ड टिमका विकेटकीपर–ब्याट्सम्यान बिजे वाटलिंगले दोहोरो शतक बनाएका छन् ।

उनले एक छक्का र २३ चौकाको मद्दतमा ४ सय ६० बलमा दोहारो शतक बनाएका हुन् । टेष्ट क्रिकेटमा वाटलिंगको यो पहिलो दोहोरो शतक हो ।

यसअघि टेष्ट क्रिकेटमा उनको उच्च स्कोर १ सय ४२ रन थियो । वाटलिंगको दोहोरो शतकसँगै न्यूजिल्याण्ड बलियो स्थितिमा छ ।

यो समाचार तयार पार्दासम्म न्यूजिल्याण्डले १९८ ओभरमा ७ विकेट गुमाएर ५ सय ९० रन बनाएको छ । पहिलो इनिङ्समा इंग्ल्याण्ड ३ सय ५३ रनमा अलआउट भएको थियो । 

न्यूजिल्याण्ड भर्सेस इंग्ल्याण्ड बिजे वाटलिंग टेष्ट क्रिकेट