काठमाडौंः प्रधानमन्त्री केपी शर्मा ओली महाराजगंजस्थित त्रिवि शिक्षण अस्पतालको मनमोहन कार्डियो भास्कुलर सेन्टरमा भर्ना भएका छन् । स्रोतका अनुसार सोमबार रातभरी पेट दुखेर पखाला लागेकाले प्रधानमन्त्री ओलीलाई मंगलबार बिहान अस्पताल भर्ना गरिएको हो ।

प्रधानमन्त्रीका प्रेस सल्लाहकार सूर्य थापाले भने नियमित स्वास्थ्य जाँचका सिलसिलामा प्रधानमन्त्रीलाई मंगलबार बिहानै अस्पताल लगिएको बताएका छन् । उनले भने, ‘प्रधानमन्त्री ज्यू अहिले अस्पतालमै हुनुहुन्छ, नियमित चेकजाँचका लागि अस्पताल जानुभएको हो ।’ यसअघि प्रधानमन्त्री ओलीले ग्रान्डी अस्पतालमा चारपटक मृगौलाको डायलासिस गराएका थिए ।  

केपी शर्मा ओली