काठमाडौंः १३औं दक्षिण एसियाली खेलकुद (साग) को तयारीमा रहेको नेपाली पुरुष क्रिकेट टिमले आज अभ्यास खेलमा माल्दिभ्सको टोलीसँग खेल्दै छ ।  

माल्दिभ्ससँग सागमा नअटाएका नेपाली खेलाडीको टोलीले खेल्न लागेको हो । काठमाडौं स्थित मुलपानी क्रिकेट मैदानमा हुने अभ्यास खेलमा नेपालको कप्तानी सिनियर टोलीका अनुभवी खेलाडी शरद भेषावकरले गर्ने छन् ।

नेपाली सिनियर साग टोलीका व्यवस्थापक सुमनराज कार्कीका अनुसार माल्दिभ्स र नेपालबीचको अभ्यास खेल बिहीबार बिहान ९ बजेपछि सुरु हुनेछ । 

नेपाली टोलीमा शरदसँगै यू–१९ का कप्तान रित गौतम, नन्दन यादव, सागर ढकाल, शेर मल्ल, मन्जित श्रेष्ठ, सुनिल धमला लगायतका खेलाडी छन् । यता माल्दिभ्समा मोहम्मद रिजवान, अहमद हुसैन, उमर एडम जस्ता क्रिकेटर छन् ।  

 

शरद भेषावकर माल्दिभ्स भर्सेस नेपाल