काठमाडौंः १३ औं दक्षिण एसियाली खेलकुद (साग) को टी–२० अभ्यास खेलमा माल्दिभ्सविरुद्ध नेपाल ‘ए’ ४९ रनले विजयी भएको छ ।

नेपाल ‘ए’ले दिएको १ सय ५१ रनको लक्ष्य पछ्याएको माल्दिभ्सले निर्धारित २० ओभरमा ६ विकेट गुमाउँदै १ सय १ रन मात्र बनाउन सक्याे ।

उसका लागि युफुफ फरातले ४२, र हसन अब्रिम १८ र मोहम्मद इभान ९ रन बनाए । बलिङमा नन्दन यादव, आकाश चन्दले २–२, शेर मल्ल र मञ्जित श्रेष्ठले एक–एक विकेट लिए । 

यसअघि माथिल्लो मुलपानी क्रिकेट मैदानमा टस हारेर ब्याटिङको मौका पाएको नेपालले निर्धारित २० ओभरमा ७ विकेट गुमाएर १ सय ५० रन बनायो ।

नेपालका लागि भिम सार्कीले ३३, अमित श्रेष्ठले २९, रित गौतमले २५, सुवाश खकुरेलले २०, दिलिप नाथले १८, सुनिल धमलाले १ रन बनाए ।

यस्तै शेर मल्ल ७ र आकाश चन्द ४ रनमा अविजित रहे । बलिङमा माल्दिभ्सका कप्तान मोहम्मद महफुजले सर्बाधिक ३ विकेट लिए । सागमा नपरेका खेलाडी समेटेर बनेको नेपाल ‘ए’ ले माल्दिभ्सलाई पराजित गरेको हो ।  

माल्दिभ्स भर्सेस नेपाल