काठमाडौं – १३औं दक्षिण एसियाली खेदकुद (साग)को पुरुष भलिबल प्रतियाेगितामा पराजित भएपछि नेपाल समूह चरणबाट बाहिरिएकाे छ। नेपाल भारतसँग पराजित भएपछि प्रतियोगिताको समूह चरणबाटै बाहिरिएको हाे।

शुक्रबार भएको आफ्नो दोस्रो खेलमा नेपाल भारतसँग ३-० को सोझो सेटमा पराजित भएको हो । त्रिपुरेश्वरस्थित राखेपका कभर्डहलमा भएको खेलमा भारतले नेपाललाई २५-१५, २५-१३, २५-१६ ले पराजित गर्‍यो ।

यसअघि पहिलो खेलमा नेपाल, बंगलादेशसँग ३-२ कै सेटमा पराजित भएको थियो । समूह एबाट भारत र बंगलादेश सेमिफाइनलमा पुगेका छन् ।