काठमाडौंः १३ औं दक्षिण एसियाली खेलकुद (साग) को टी–२० दोस्रो अभ्यास खेलमा नेपाल ‘ए’ टिमले माल्दिभ्सलाई २ सय १७ रनको विशाल लक्ष्य दिएको छ ।

टस हारेर ब्याटिङको मौका पाएको नेपालले निर्धारित २० ओभरमा ३ विकेट गुमाएर २ सय १६ रन बनायो । नेपालका लागि सिनियर टोलीका अनुभवी ब्याट्सम्यान शरद भेषावकर आक्रामक ब्याटिङ गरे । उनले ४२ बलमा ४ चौका र ८ छक्कासहित ८४ रन बनाए ।  

यस्तै प्रदीप ऐरीले ३६ बलमा ४ चौका र ६ छक्का ६९, दिलिप नाथले २७, अमित श्रेष्ठले नटआउट २५ रन बनाए । बलिङमा माल्दिभ्सका लिम सफिकले ३ विकेट लिए ।

नेपाल भर्सेस माल्दिभ्स