काठमाडौंः अफगानिस्तान विरुद्धको एक मात्र टेष्ट म्याच वेस्ट इन्डिजले ९ विकेटले जितेको छ । ३१ रनको लक्ष्य पाएको वेस्ट इन्डिजले ६.२ ओभरमा १ विकेट गुमाएर पूरा गर्‍यो ।

उसका लागि जोन क्याम्पबेलले नटआउट १९, साई होपले ६ र क्रेग ब्रेथवेटले ८ रन बनाए । बलिङमा अफगानिस्तानका अमीर हमजाले एक विकेट लिए ।

पहिलो इनिङ्समा वेस्ट इनिडजले ८३.३ ओभरमा सम्पूर्ण विकेट गुमाएर २ सय ७७ रन बनाएकाे थियाे । उसका लागि शमराह ब्रूक्सले सर्बाधिक १ सय ११ रन बनाएका थिए ।

बलिङमा अफगानिस्तानका अमीर हमजाले ५, कप्तान राशिद खानले ३ र जाहिर खानले २ विकेट लिएका थिए । पहिलो इनिङ्समा अफगानिस्तानले ६८.३ ओभरमा सबै विकेट गुमाउँदै १ सय ८७ रन मात्र बनायो । उसका लागि जाबिद अहमेदीले सर्बाधिक ३९ रन बनाए ।

बलिङमा वेस्ट इन्डिजका १४० किलो तौल भएका रखिम कोर्नवालले २५.३ ओभरमा ७५ रन दिएर ७ विकेट लिए । यस्तै जसन होल्डरको नाममा २ विकेट रह्यो । दोस्रो इनिङ्समा पनि अफगानिस्तानका ब्याट्सम्यान सस्तैमा आउट भए ।

यो इनिङमा अफगानिस्तान ४३.१ ओभरमा सबै विकेट गुमाएर १ सय २० रनमै समेटियो । दोस्रो इनिङ्समा पनि अफगानिस्तानका लागि जावेद अहमदीले सर्बाधिक ६२ रन बनाए ।

बलिङमा वेस्ट इन्डिजका रोस्टन चेस, रखिम कोर्नवाल र कप्तान जसन होल्डरले ३–३ विकेट लिए । अफगानिस्तान र वेस्ट इन्डिजबीचको एक मात्र टेष्ट भारतको लख्नउमा भएको थियो । 

अफगानिस्तान भर्सेस वेस्ट इन्डिज टेष्ट म्याच टेष्ट म्याच क्रिकेट